លោកអ្នកប្រហែលជាមិនទាន់ភ្លេចបទ «Pen-Pineapple-Apple-Pen ឬ PPAP» ទេមែនទេ? កាលពីរយៈពេលប្រមាណជា១២ខែមុន បទនេះ មានភាពល្បីល្បាញណាស់ ក្រោយពីត្រូវបា...
លោកអ្នកប្រហែលជាមិនទាន់ភ្លេចបទ «Pen-Pineapple-Apple-Pen ឬ PPAP» ទេមែនទេ? កាលពីរយៈពេលប្រមាណជា១២ខែមុន បទនេះ មានភាពល្បីល្បាញណាស់ ក្រោយពីត្រូវបានច្រៀងដោយតារាកំប្លែងជប៉ុនលោក Daimaou Kosaka ដែលមានរហស្សនាមថា លោក Piko Taro។
បើទោះបីបទនេះខ្លីក៏ដោយ ប៉ុន្តែ វាមិនត្រឹមតែមាភាពល្បីល្បាញក្នុងប្រទេសជប៉ុនឡើយ ប៉ុន្តែ វាមានភាពល្បីល្បាញទូទាំងពិភពលោក។ ដោយសារតែភាពល្បីល្បាញនេះ លោក Taro ក៏មានទំនាក់ទំនងយ៉ាងជិតស្និទ្ធជាមួយនឹងតារាចម្រៀង Psy និង Justin Bieber។
បច្ចុប្បប្នលោក Taro បានបង្កើតការភ្ញាក់ផ្អើលមួយផ្សេងទៀតតាមរយៈការការរៀបការជាមួយនឹងតារាបង្ហាញម៉ូដដ៏ស្រស់ស្អាតម្នាក់ឈ្មោះថា Hitomi Yasueda។ តារាម៉ូដែលវ័យ២៩ឆ្នាំរូបនេះ គឺជាអ្នកបង្ហាញម៉ូដក្នុងឈុតហែលទឹកដ៏ល្អម្នាក់ និងមានអាយុប្អូនស្វាមីរបស់ខ្លួនដល់ទៅ១៥ឆ្នាំ។
ប៉ុន្តែ អ្នកគាំទ្រជាច្រើនបានធ្វើការរិះគន់យ៉ាងខ្លាំងទៅលើជីវិតរៀបការរបស់លោក Taro ជាមួយនឹងភរិយាមុនរបស់លោក បើទោះបីលោក Taro បានបញ្ជាក់ថា រូបគេមិនធ្លាប់បានរៀបការក៏ដោយ។ តាមពិត នាង Hitomi និង Taro បានចាប់ផ្តើមមានទំនាក់ទំនងស្នេហ៍ជាមួយគ្នា កាលពី៤ឆ្នាំមុន មុននឹងពួកគេបានសម្រេចចិត្តរៀបការ ក្រោយពីពួកគេបានជួបគ្នាកម្មវិធីទូរទស្សន៍មួយ ខណៈដែលពួកគេបានចុះបញ្ជីរៀបការតាំងពីដើមខែសីហា មកម្ល៉េះ។
ទោះបីបទចម្រៀង PPAP មានភាពល្បីល្បាញក៏ដោយ ប៉ុន្តែ លោក Taro បានអះអាងថា គេមិនបានទទួលប្រាក់សូម្បីតែ១សេនពីបទចម្រៀងនេះឡើយ ប៉ុន្តែ ប្រាក់មិនមែនជាកត្តាក្នុងការរៀបការរបស់ពួកគេឡើយ៕